Nile Cruise Experience
1ᴬ Classe dhe Boscolo Gift ju mirëpresin në një eksperiencë magjike: gjashtë personazhe të njohur veshin Koleksionin Pranverë/Verë 2025 gjatë një udhëtimi magjepsës në lumin Nil – një aventurë që ndërthur kulturën, luksin dhe stilin.
Ky bashkëpunim ekskluziv midis dy emrave të shquar të ekselencës italiane krijon një dialog mes modës dhe zbulimit të vendeve legjendare. Koleksioni bëhet pika e takimit mes destinacioneve plot hijeshi dhe stilit të veçantë të 1ᴬ Classe – një kryqëzim mes traditës dhe bashkekohores.
DITA 1 – Aventura fillon
Në çastin që zbresim në Asuan, prezantuesja e njohur Benedetta Parodi hap udhëtimin me një fustan në printin Geo Maxi Flower, në një nuancë të ndezur të së verdhës. Romantizmi i detajeve dhe shpërthimi i ngjyrave japin tonin e një aventure të mbushur me stil dhe energji pozitive.
DITA 2 – Duke ndjekur ritmin e udhëtimit
Një udhëtim relaksues me barkë bëhet edhe më i këndshëm kur e shijon me stil. Matilde, vajza e Benedettës, zgjedh një fustan pambuku me prerje elegante dhe të rrjedhshme – ideale për të ndjerë lirinë dhe emocionet e udhëtimit mbi ujë.
DITA 3 – Duke u relaksuar me stil
Në rrugëtimin drejt tempujve të Abu Simbel, atletja Sofia Montagna zbulon kombinimin perfekt të freskisë dhe elegancës me një këmishë pambuku dhe mëngë me punim delikat. Një veshje që mishëron natyralitetin dhe sofistikimin.
DITA 4 – I zgjuar dhe praktik
Në eksplorim të Tempullit të Horus, Valeria Bigella sjell me vete stil dhe funksionalitet. E pajisur me çantën Lagoon – me linja të pastra dhe detaje në printin Geo Classic – ajo ruan thelbin e elegancës, të frymëzuar nga arkitektura antike përreth.
DITA 5 – Shpirti i udhëtarit global
Mes peizazheve mbresëlënëse të Luksorit dhe Luginës së Mbretërve, udhëtarët “Globbers” veshin këmisha polo prej pambuku të lehta dhe pantallona komode. Stili i tyre është një bashkim mes elegancës së përditshme dhe prakticitetit për të shijuar çdo moment të udhëtimit.
DITA 6 – Lamtumirë, Egjipt
Në përshëndetjen finale nga Luksori, Benedetta dhe Matilde zgjedhin veshje që flasin me të njëjtin gjuhë: fustani me print Geo Lace për të bijën dhe pantallonat me printin Geo Classic për Benedettën. Harta ikonike e 1ᴬ Classe i shoqëron në këtë rrugëtim të paharrueshem.
